Lao

Login Form



ຈຳນວນຜູ້ເຂົ້າຊົມ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterມື້ນີ້46
mod_vvisit_counterມື້ວານ41
mod_vvisit_counterອາທິດນີ້87
mod_vvisit_counterອາທິດແລ້ວນີ້378
mod_vvisit_counterເດືອນນີ້581
mod_vvisit_counterເດືອນແລ້ວນີ້1098
mod_vvisit_counterລວມທັງຫມົດ101698

Online (20 minutes ago): 3
Your IP: 54.162.154.91
,
Today: ຕ. ລ. 17, 2017

Who's Online

ເຮົາມີ 45 ບຸກຄົນທົ່ວໄປ ອອນໄລນ
ຍິນດີຕ້ອນຮັບ ເຂົ້າສູ່ເວບໄຊ ຂອງ ພຊສ ແຂວງ ຊຽງຂວາງ
ກອງປະຊຸມວິຊາການກ່ຽວກັບວຽກງານທີ່ດິນ PDF ພິມ ອີເມລ
ຂຽນໂດຍ ຂະແໜງຂໍ້ມູນຂ່າວສານ   
ມື້ຈັນທີ່ 27 ມີນາ 2017 ເວລາ 10: 48

ພະແນກຊັບພະຍາກອນທຳມະຊາດ ແລະ ສິ່ງແວດລ້ອມແຂວງຊຽງຂວາງ

ໄດ້ເປີດກອງປະຊຸມວິຊາການກ່ຽວກັບວຽກງານທີ່ດິນ ແລະ ລາຍຮັບຄ່າທຳນຽມ, ອາກອນ ແລະ ຄ່າບໍລິ      

 ການຈາກທີ່ດິນ ຄັ້ງວັນທີ່ 24 / 03 / 2017

            ໂດຍການເປັນປະທານຂອງທ່ານ ຄໍາພູ ຈັນທະວົງ ກໍາມະການພັກແຂວງ ເລຂາຄະນະ ພັກຮາກຖານຫົວໜ້າພະແນກຊັບພະຍາກອນທຳມະຊາດ ແລະ ສິ່ງແວດລ້ອມ. ມີບັນດາຫົວໜ້າ, ຮອງຫົວ ໜ້າຫ້ອງການຊັບພະຍາກອນທຳມະຊາດ ແລະ ສິ່ງແວດລ້ອມທັງ 7 ເມືອງ,​ ຫົວໜ້າຂະແໜງ, ຮອງຂະ ແໜງພ້ອມດ້ວຍວິຊາການຈາກຂະແໜງຄຸ້ມຄອງທີ່ດິນ ແລະ ຂະແໜງບໍລິຫານແຜນການ ແລະ ການເງິນ

ຂັ້ນແຂວງ ແລະ ຂັ້ນເມືອງເຂົ້າຮ່ວມ.                                        

       ກອງປະຊຸມໃນຄັ້ງນີ້ໄດ້ຮັບຝັງການລາຍງານການຈັດຕັ້ງປະຕິບັດວຽກງານຂອງຫ້ອງການຊັບພະ

ຍາກອນທຳມະຊາດ ແລະ ສິ່ງແວດທັງ 7 ເມືອງ, ຂະແໜງຄຸ້ມຄອງທີ່ດິນໄດ້ຂື້ນແນະນຳບັນດານິຕິກຳຕ່າງໆ

ຕໍ່ທີ່ປະຊຸມມີດັ່ງນີ້:

1.      ການເກັບຄ່າບໍລິການທາງດ້ານວິຊາການຈາກທີ່ດິນ.

2.      ການຄຸ້ມຄອງລາຍຈ່າຍຄ່າບໍລິການທາງດ້ານວິຊາການຈາກທີ່ດິນ.

3.      ຂັ້ນຕອນ ແລະ ວິທີຈັດຕັ້ງປະຕິບັດ.

     ທ່ານ ຄໍາພູ ຈັນທະວົງ ຫົວໜ້າພະແນກຊັບພະຍາກອນທໍາມະຊາດ ແລະ ສິ່ງແວດລ້ອມແຂວງໄດ້ເນັ້ນ

ໜັກໃຫ້ພະນັກງານລັດຖະກອນທົ່ວພະແນກຊັບພະຍາກອນທຳມະຊາດ ແລະ ສິ່ງແວດລ້ອມຈົ່ງພັອມກັນເອົາ

ໃຈໃສ່ຕໍ່ວິຊາສະເພາະ ແລະ ໜ້າທີ່ຄວາມຮັບຜິດຊອບຂອງຕົນເອງໃຫ້ມີຜົນສຳເລັດເພື່ອຮັບປະກັນການເກັບ

ລາຍຮັບຈາກທີ່ດິນໃຫ້ເຂົ້າສູ່ງົບປະມານຂອງລັດໄດ້ທັນເວລາຕາມແຜນການຂອງຂັ້ນເທິງວາງໄວ້.

 
ສະເຫຼີມສະຫຼອງວັນແມ່ຍິງສາກົນ PDF ພິມ ອີເມລ
ຂຽນໂດຍ ຂະແໜງຂໍ້ມູນ - ຂ່າວສານ   
ມື້ອັງຄານທີ່ 14 ມີນາ 2017 ເວລາ 15: 00

         ໃນວັນທີ 6 ມີນາ 2017 ຜ່ານມາແລ້ວນີ້ ຮາກຖານສະຫະພັນແມ່ຍິງ ພຊສ ແຂວງຊຽງຂວາງ

 

   ໄດ້ຈັດພິທິສະເຫຼີມສະຫຼອງວັນແມ່ຍິງສາກົນຄົບຮອບ 107 ປີຂື້ນ ທ່ີຫ້ອງປະຊຸມພະແນກ ຊສ ແຂວງ

 

      ໂດຍໃຫ້ກຽດເຂົ້າຮ່ວມເປັນປະທານຂອງທ່ານ ສີວອນ ບຸດດາຈັນ ຮອງເລຂາພັກຮາກຖານ,ຮອງຫົວ

 

ໜ້າພະແນກ ຊສ ແຂວງ,ມີຄະນະຮາກຖານກໍາມະບານ, ຊາວໜຸ່ມ ແລະ ບັນດາເອື້ອຍນ້ອງແມ່ຍິງ

 

 ເຂົ້າຮ່ວມ ຢ່າງພ້ອມພຽງພິທີໃນຄັ້ງນີ້ ທ່ານ ນ ສາຍລົມ ສີລາພັນເດດ ປະທານຮາກຖານສະຫະພັນແມ່ຍິງ

 

 ພຊສ ແຂວງ ໄດ້ກ່າວປະຫັວດຄວາມເປັນມາຂອງວັນທີ 8 ມີນາ ວັນແມ່ຍິງສາກົນຄືແຕ່ວັນທີ 8 ມີນາ 1910

 

 ຫາ 2017 ຖືວ່າຄົບຮອບ 107 ປີເຊີ່ງການປາຖະກາຖາໃນຄັ້ງນີ້ກໍ່ເພື່ອເປັນການເຊີດຊູນ້ຳໃຈຮັກເຊື້ອແພງຊາດ

 

 ນ້ຳໃຈ ເສຍສະຫຼະເລືອດເນື້ອເພື່ອທວງເອົາສິດອຳນາດອະທິປະໄຕຂອງແມ່ຍິງແລະຂອງປະເທດຊາດ,

 

ພິທີໃນຄັ້ງນີ້ ຍັງໄດ້ຜ່ານບົດສະຫຼຸບການຈັດຕັ້ງປະຕິບັດວຽກງານຮອບດ້ານໃນ 1 ປີຜ່ານມາໄລຍະ 2015 –

 

 2016 ແລະ ທິດທາງແຜນການຈັດຕັ້ງປະຕິບັດໃນຊຸມປີຕໍ່ໜ້າຈາກຄະນະນຳຂອງແມ່ຍິງ ແລະ

 

 ການຈັດຕັ້ງຂະບວນ ການຂໍ້ ແຂ່ງຂັນ 3 ດີຂອງສະຫະພັນແມ່ຍິງແມ່ນໄດ້ດຳເນີນພາຍໄຕ້ບັນຍາກາດທ່ີທົ່ວພັກ

 

 ພວມສຸມໃສ່ການ ຈັດຕັ້ງ ເຊື່ອມຊື່ມ ແລະ ຜັນຂະຫຍາຍມະຕິກອງປະຊຸມໃຫ່ຍຄັ້ງທ່ີ X ຂອງສູນກາງພັກ ແລະ

 

 ບັນດາກອງ ປະຊຸມ ຂັ້ນຕ່າງໆ ຢ່າງເປັນຂະບວນການຟົດຟື້ນ, ການຈັດຕັ້ງປະຕິບັດເນື້ອໃນຂໍ້ແຂ່ງຂັນ 3 ດີຄື

 

 ພົນລະເມືອງດີ, ພັດ ທະນາດີ,

 

 

ສ້າງຄອບຄົວດີຂອງສະຫະພັນແມ່ຍິງພຊສແຂວງໄດ້ວາງໄວ້ປະຈຸບັນທົ່ວພະແນກໄດ້ມີ ສະມາຊິກ ແມ່ຍິງຈຳນວນ

 

37 ສະຫາຍ, ມີ 5 ໜ່ວຍສະຫະພັນແມ່ຍິງການປະຕິບັດວຽກງານ 3 ດີ ແມ່ນປະກອບມີ 4 ບາດກ້າວ,

 

ເຊີ່ງຈາກການຈັດຕັ້ງປະຕິບັດຂໍ້ແຂ່ງຂັນ 3ດີໃນໄລຍະທີ່ຜ່ານມາສາມາດ ສະຫຼຸບ ໄດ້ວຽກງານ ພົນລະເມືອງດີ

 

ສາມາດຄັດເລືອກເອົາເອື້ອຍນ້ອງແມ່ຍິງ 3 ດີທີ່ໄດ້ປະ ຕິບັດຕາມແຜນການທັງໜົດ ຈາ ກການ

 

ຈັດຕັ້ງທີ່ມີຜົນງານດີເດັ່ນນີ້ໄດ້ມີບຸກຄົນ 3ດີ 35 ສະຫາຍ,ບຸກຄົນ 2 ດີ 1 ສະຫາຍ.

     

   ໃນຕອນທ້າຍຂອງພິທີໄດ້ໃຫ້ກຽດໂອ້ລົມຈາກ ທ່ານ ສີວອນ ບຸດດາຈັນ ຮອງເລຂາພັກຮາກຖານ,

ຮອງຫົວໜ້າພະແນກຊສ ແຂວງໃນບາງຕອນທ່ານໄດ້ຊີ້ນຳດັ່ງນີ້:

1)  ຈົ່ງເພີ່ມທະວີການສຶກສາອົບຮົມ,ເຕົ້າໂຮມຄວາມສາມັກຄີ,ປຸກລະດົມສະມາຊິກແມ່ຍິງທົ່ວພະແນກປະຕິບັດຕາມແນວທາງນະໂຍບາຍ ແລະ ແຜນພັດທະນາແມ່ຍິງຢ່າງເຂັ້ມງວດເພື່ອເຫັນໄດ້ສະຕິຄວາມຕື່ນຕົວແລະ ຄວາມຮັບຜິດຊອບຕໍ່ໜ້າທ່ີວຽກງານໃຫ້ສູງຂື້ນ.

2)  ເອົາໃຈໃສ່ສຶບຕໍ່ປັບປຸງການຈັດຕັ້ງ ແລະ ນຳພາດຳເນີນຊີວິດໃຫ້ຖືກຕ້ອງຕາມກົດລະບຽບ ແລະ ກົດໜາຍວ່າດ້ວຍສະຫະພັນແມ່ຍິງລາວວາງອອກ.

3)  ນຳພາສະມາຊິກແມ່ຍິງໃນການສ້າງຂະບວນການເປັນຕົ້ນແມ່ນ ຂະບວນການຂໍ້ແຂ່ງຂັ້ນ 3 ດີຂອງແມ່ຍິງເປັນຈຸດໜາຍສູ້ຊົນໃນການພັດທະນາແມ່ຍິງເປັນແຕ່ລະໄລຍະ.

4)  ຕ້ານທຸກປະກົດການຫໍ້ຍທໍ້ທ່ີເກີດຂື້ນກັບແມ່ຍິງຄອບຄົວ ແລະ ລູກເຕົ້າໃນຂອບເຂດຄວາມຮັບຜິດຊອບຂອງຕົນ.

5)  ສະຫຼຸບລາຍງານການເຄື່ອນໄຫວວຽກງານຂອງຕົນເອງໃຫ້ຂັ້ນເທິງຢ່າງເປັນປົກກະຕິ.

ພິທີດັ່ງກ່າວໄດ້ດຳເນີນມາເປັນເວລາ 1 ຕອນ ແລະ ໄດ້ອັດລົງດ້ວຍຜົນສຳເລັດອັນຈົບງາມ ພ້ອມນີ້ກໍ່ໄດ້ມີຂະບວນການຫຼີ້ນກິລາເພື່ອສ້າງສັນຄວາມສາມັກຄີພາຍໃນ 3 ອົງການຈັດຕັ້ງມະຫາຊົນຂື້ນຢ່າງມີບັນຍາກາດເບີກບານມ່ວນຊື່ນ.

 
ເຊັນສັນຍາເຊົ່າ - ສຳປະທານທີ່ດິນລັດ PDF ພິມ ອີເມລ
ຂຽນໂດຍ ຂະແໜງຂໍ້ມູນ- ຂ່າວສານ   
ມື້ອັງຄານທີ່ 14 ມີນາ 2017 ເວລາ 14: 47

ພິທີເຊັນສັນຍາເຊົ່າ - ສໍາປະທານທີ່ດິນລັດຄັ້ງວັນທີ່ 3 / 3 / 2017.

  ໂດຍເປັນປະທານຮ່ວມຂອງທ່ານ ຄໍາພູ ຈັນທະວົງ ກໍາມະການພັກແຂວງ ເລຂາຄະນະພັກຮາກຖານ ຫົວໜ້າ

ພະແນກຊັບພະຍາກອນທຳມະຊາດ ແລະ ສິ່ງແວດລ້ອມ ແລະ ທ່ານ ເລວັນເລີມຜູ້ອຳນວຍການບໍລິສັດ ພັດທະ ນາພູດອຍເອມໂອດີຈຳກັດຜູ້ດຽວ. ມີຮອງຫົວໜ້າພະແນກຊັບພະຍາກອນທຳມະຊາດ ແລະ ສິ່ງແວດລ້ອມ, ມີ ຫົວໜ້າ, ຮອງຫົວໜ້າພະແນກການທີ່ກ່ຽວຂ້ອງອ້ອມຂ້າງແຂວງ, ເຈົ້າເມືອງໆໝອກ, ພ້ອມດ້ວຍຫົວໜ້າຂະແໜງ ການພາຍໃນພະແນກຊັບພະຍາກອນ ທໍາມະຊາດ ແລະ ສິ່ງແວດລ້ອມເຂົ້າຮ່ວມ.

            ການເຊົ່າ - ສໍາປະທານທີ່ດິນລັດ ຢູ່ບ້ານ ທົ່ງເປີ້ ແລະ ບ້ານ ນໍ້າຫງາດ ເມືອງໝອກ ແຂວງຊຽງຂວາງ ມີຈໍານວນ 2 ຕອນ. ມີເນື້ອທີ່ທັງໝົດ 36 ເຮັກຕາ 480 ຕາແມັດ, ມີ 4 ກິດຈະການ.

Ø  ຕອນທີ່1: ຢູ່ບ້ານ ທົ່ງເປີ້ ມີເນື້ອທີ່ 15 ເຮັກຕາ 2675 ຕາແມັດ

- ໃຊ້ເຂົ້າໃນການປຸກສ້າງບ່ອນຢູ່ອາໄສມີເນື້ອທີ່ 3 000 ຕາແມັດ.

- ໂຮງງານຜະລິດດິນບ໌ອກ ມີເນື້ອທີ່ 1 ເຮັກຕາ.

- ປູກໝາກນອດ - ປູກຜັກ ມີເນື້ອທີ່ 13 ເຮັກຕາ  9675 ຕາແມັດ.

Ø  ຕອນທີ່2: ຢູ່ບ້ານ ນໍ້າຫງາດ ມີເນື້ອທີ່ 20 ເຮັກຕາ 7805 ຕາແມັດ ໃຊ້ເປັນບ່ອນລ້ຽງສັດ.

   ກໍານົດເວລາເຊົ່າ - ສໍາປະທານ ແມ່ນ 30 ປີ ນັບແຕ່ວັນທີ່ 3 / 3 / 2017 ເຖິງ 3 / 3 / 2047

ພາຍຫຼັງໝົດອາຍຸສັນຍາເຊົ່າ - ສໍາປະທານທີ່ດິນລັດສະບັບນີ້ແລ້ວບໍລິສັດຈະສັນຍາຕໍ່ ຫຼື ຢຸດເຊົາກິດ ຈະການ ຕ້ອງໄດ້ກວດກາ ແລະ ປະເມີນຜົນການດໍາເນີນກິດຈະການທັງໝົດຕາມເນື້ອໃນບົດສັນຍາທີ່ສອງຝ່າຍໄດ້ຕົກລົງ ຮ່ວມກັນ.

 
ກອງປະຊຸມຖອດຖອນບົດຮຽນ PDF ພິມ ອີເມລ
ຂຽນໂດຍ ຂະແໜງຂໍ້ມູນຂ່າວສານ   
ມື້ສຸກທີ່ 18 ພະຈິກ 2016 ເວລາ 10: 19

ກອງປະຊຸມຖອດຖອນບົດຮຽນ

ລະຫວ່າງພະແນກຊັບພະຍາກອນທຳມະຊາດ ແລະ ສິ່ງແວດລ້ອມແຂວງ ກັບ ຫ້ອງການ

ຊັບພະຍາກອນທຳມະຊາດ ແລະ ສິ່ງແວດລ້ອມ ທັງ 7 ເມືອງໃນການປະຕິບັດໜ້າທີ່ວຽກ

 ງານຊັບພະຍາກອນທຳມະຊາດ ແລະ ສິ່ງແວດລ້ອມໃນໄລຍະຜ່ານມາ.

ຕອນເຊົ້າຂອງວັນທີ່ 15 ພະຈິກ 2016 ພະແນກຊັບພະຍາກອນທຳມະຊາດ ແລະ ສິ່ງແວດລ້ອມໄດ້ເປີດ

ກອງປະຊຸມຖອດຖອນບົດຮຽນວຽກງານຊັບພະຍາກອນທຳມະຊາດ ແລະ ສິ່ງແວດລ້ອມຢູ່ພາຍໃນພະແນກ

ເພື່ອຕີລາຄາການຈັດຕັ້ງປະຕິບັດວຽກງານຮອບດ້ານໃນໄລຍະຜ່ານມາ.

     ໂດຍການເປັນປະທານຂອງທ່ານ ຄໍາພູ ຈັນທະວົງ ກໍາມະການພັກແຂວງເລຂາຄະນະພັກຮາກຖານ

ຫົວໜ້າພະແນກຊັບພະຍາກອນທຳມະຊາດ ແລະ ສິ່ງແວດລ້ອມ. ມີຄະນະພັກຄະນະພະແນກ,​ ຫົວໜ້າຂະ

ແໜງ, ຮອງຂະແໜງ, ຫົວໜ້າຫ້ອງການ,​ ຮອງຫ້ອງການຊັບພະຍາກອນທໍາມະຊາດ ແລະ ສິ່ງແວດລ້ອມ

ແລະ ຫົວໜ້າໜ່ວຍງານທີ່ດິນທັງ 7 ເມືອງເຂົ້າຮ່ວມ. ເຊິ່ງມີແຂກເຂົ້າຮ່ວມຈໍານວນ 41 ສະຫາຍໃນ ນັ້ນຍິງ

9ສະຫາຍ. ກອງປະຊຸມດໍາເນີນໄປເປັນເວລາ1ວັນເຕັມກອງປະຊຸມໄດ້ຮັບຝັງການລາຍງານການຈັດຕັ້ງປະຕິບັດ

ວຽກງານຢ່າງຮອບດ້ານຂອງຫ້ອງການຊັບພະຍາກອນທໍາມະຊາແລະສິ່ງແວດລ້ອມທັງ 7ເມືອງ

ແລະໄດ້ມີການແລກປ່ຽນຄຳຄິດເຫັນຖອດຖອນບົດຮຽນຢ່າງກົງໄປກົງມາເປັນຂະ

ບວນຟົດຟືນລະຫວ່າງຂະແໜງການຢູ່ຂັ້ນແຂວງກັບຫ້ອງການຊັບທັງ7ເມືອງເພື່ອເຮັດໃຫ້ວຽກງານ

ຊັບພະຍາກອນທໍາມະຊາດ ແລະ ສິ່ງ ແວດລ້ອມໄດ້ຮັບການປັບປຸງແກ້ໄຂບັນຫາທີ່ຍັງຄົງຄ້າງໃຫ້ດີ

ຂື້ນໄປເລອື້ຍໆ.

 
ພິທີມອບ - ໂອນຂະແໜງຊັບພະຍາກອນປ່າໄມ້ PDF ພິມ ອີເມລ
ຂຽນໂດຍ ຂະແໜງຂໍ້ມູນຂ່າວສານ   
ມື້ຈັນທີ່ 14 ພະຈິກ 2016 ເວລາ 10: 39

ພິທີມອບ - ໂອນ

ຕອນເຊົ້າວັນທີ່ 11 ພະຈິກ 2016 ທີ່ຫ້ອງປະຊຸມຂອງພະແນກຊັບພະຍາກອນທຳມະຊາດ ແລະ ສິ່ງແວດ ລ້ອມ ໄດ້ຈັດພິທີມອບ - ໂອນ ຂະແໜງຊັບພະຍາກອນປ່າໄມ້ ຈາກພະແນກຊັບພະຍາກອນທຳມະຊາດ

ແລະ ສິ່ງແວດລ້ອມໃຫ້ແກ່ພະແນກກະສິກໍາ - ປ່າໄມ້ຢ່າງເປັນທາງການ.

 

      ພິທີດັ່ງກ່າວໂດຍການເປັນປະທານຂອງທ່ານ ຄໍາແສນ ມະນີວົງ ຄະນະປະຈໍາພັກແຂວງຮອງໆ

ເຈົ້າແຂວງໆຊຽງຂວາງ ມີຄະນະກໍາມະການປັບປຸງກົງຈັກການຈັດຕັ້ງຂັ້ນແຂວງ, ມີຫົວໜ້າພະແນກການ

ຮອງພະແນກການອ້ອມຂ້າງແຂວງ, ຂະແໜງຈັດຕັ້ງຂອງພະແນກກະສິກໍາ, ຫົວໜ້າຂະແໜງ, ຮອງຂະ ແໜງພ້ອມດ້ວຍພະນັກງານພະແນກຊັບພະຍາກອນທຳມະຊາດ ແລະ ສິ່ງແວດລ້ອມເຂົ້າຮ່ວມ

 

       ໃນພິທີດັ່ງກ່າວທ່ານ ຄໍາພູ ຈັນທະວົງ ກໍາມະການພັກແຂວງເລຂາຄະນະພັກຮາກຖານຫົວໜ້າ

ພະແນກຊັບພະຍາກອນທຳມະຊາດ ແລະ ສິ່ງແວດລ້ອມໄດ້ຂຶ້ນຜ່ານເອກະສານມອບ - ໂອນຂະແໜງ

ຊັບພະຍາກອນປ່າໄມ້ ແລະ ກ່າວຮັບໂດຍທ່ານ ຄໍາສີ ຈັນທະວົງສີ  ກໍາມະການພັກແຂວງ ຫົວໜ້າພະ ແນກກະສິກໍາ - ປ່າໄມ້ໂດຍຊ່ອງໜ້າທ່ານ ຄໍາແສນ ມະນີວົງ ຄະນະປະຈໍາພັກແຂວງຮອງເຈົ້າແຂວງໆຊຽງ

ຂວາງ ແລະ ຜູ້ແທນກອງປະຊຸມ.    

 
ພິທີມອບ - ໂອນ PDF ພິມ ອີເມລ
ຂຽນໂດຍ ຂະແໜງຂໍ້ມູນ - ຂ່າວສານ   
ມື້ສຸກທີ່ 04 ພະຈິກ 2016 ເວລາ 10: 55

ພິທີມອບ - ໂອນ

ຕອນເຊົ້າວັນທີ່ 31 ຕຸລາ 2016 ທີ່ຫ້ອງປະຊຸມຂອງພະແນກຊັບພະຍາກອນທຳມະຊາດ ແລະ ສິ່ງແວດ ລ້ອມ ໄດ້ຈັດພິທີມອບ - ໂອນ ຂະແໜງທໍລະນີສາດແຮ່ທາດ ຈາກພະແນກຊັບພະຍາກອນທຳມະ

ຊາດ ແລະ ສິ່ງແວດລ້ອມໃຫ້ແກ່ພະແນກພະລັງງານ ແລະ ບໍ່ແຮ່ຢ່າງເປັນທາງການ.

      ພິທີດັ່ງກ່າວໂດຍການເປັນປະທານຂອງທ່ານ ຄໍາແສນ ມະນີວົງ ຄະນະປະຈໍາພັກແຂວງຮອງໆ

ເຈົ້າແຂວງໆຊຽງຂວາງ ມີຄະນະກໍາມະການປັບປຸງກົງຈັກການຈັດຕັ້ງຂັ້ນແຂວງ, ມີຫົວໜ້າພະແນກການ

ຮອງພະແນກການອ້ອມຂ້າງແຂວງ, ຂະແໜງຈັດຕັ້ງຂອງພະແນກພະລັງງານ ແລະ ບໍ່ແຮ່, ຫົວໜ້າ ຂະແໜງ, ຮອງຂະແໜງພ້ອມດ້ວຍພະນັກງານພະແນກຊັບພະຍາກອນທຳມະຊາດ ແລະ ສິ່ງແວດ ລ້ອມເຂົ້າຮ່ວມ

       ໃນພິທີດັ່ງກ່າວທ່ານ ຄໍາພູ ຈັນທະວົງ ກໍາມະການພັກແຂວງເລຂາຄະນະພັກຮາກຖານຫົວໜ້າ

ພະແນກຊັບພະຍາກອນທຳມະຊາດ ແລະ ສິ່ງແວດລ້ອມໄດ້ຂຶ້ນຜ່ານເອກະສານມອບ - ໂອນຂະແໜງ

ທໍລະນີສາດແຮ່ທາດ ແລະ ກ່າວຮັບໂດຍທ່ານ ສູນທະຍິ່ງ ຄຸນໂຍທາ ຫົວໜ້າພະແນກພະລັງງານແລະ

ບໍ່ແຮ່ໂດຍຊ່ອງໜ້າທ່ານ ຄຳແສນ ມະນີວົງ ຄະນະປະຈຳພັກແຂວງຮອງເຈົ້າແຂວງໆຊຽງຂວາງ ແລະ

ຜູ້ແທນກອງປະຊຸມ.                             

 
ກອງປະຊຸມປຶກສາຫາລື ແລະ ລົງຊຸກຍູ້ໃນການສ້າງແຜນການ 5 ປີ 2015-2020 PDF ພິມ ອີເມລ
ຂຽນໂດຍ ຂະແໜງຂໍ້ມູນ-ຂ່າວສານ   
ມື້ພຸດທີ່ 05 ຕຸລາ 2016 ເວລາ 18: 55

ກອງປະຊຸມປຶກສາຫາລື ແລະ ລົງຊຸກຍູ້ໃນການສ້າງແຜນການ5 ປີ 2016 – 2020

ຂອງຂະແໜງຊັບພະຍາກອນທຳມະຊາດ ແລະ ສິ່ງແວດລ້ອມຂັ້ນແຂວງ. ແຂວງຫົວພັນ, ແຂວງຫຼວງພະບາງ ແລະ ແຂວງຊຽງຂວາງ ຄັ້ງວັນທີ 27 – 29 ກັນຍາ 2016

ທີ່ພະແນກຊັບພະຍາກອນທຳມະຊາດ ແລະ ສິ່ງແວດລ້ອມແຂວງຊຽງຂວາງ

ກົມແຜນການ ແລະ ການຮ່ວມມືຂອງກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ໄດ້ລົງ ຊຸກຍູ້ໃນການສ້າງແຜນການ 5 ປີ 2016 – 2020 ຂອງວຽກງານຊັບພະຍາກອນທຳມະຊາດ ແລະ ສິ່ງແວດລ້ອມ ໃຫ້ແກ່ສາມແຂວງພາກເໜືອ.ເຊິ່ງມີແຂວງຫົວພັນ, ແຂວງຫຼວງພະບາງ ແລະ ແຂວງຊຽງ ຂວາງ. ໂດຍເປັນກຽດເຂົ້າຮ່ວມຂອງທ່ານ ປອ ໄຊນະຄອນ ອິນທະວົງ ຫົວໜ້າກົມແຜນການ ແລະ ການ ຮ່ວມມື. ມີບັນດາຫົວໜ້າພະແນກ, ຮອງພະແນກ, ວິຊາການ ທັງສາມແຂວງ ພ້ອມດ້ວຍທີມງານຈາກກົມແຜນການເຂົ້າຮ່ວມ. ມີຈໍານວນພົນເຂົ້າຮ່ວມທັງໝົດ 35 ຄົນໃນນັ້ນຍິງ 8 ຄົນ.

 

LAST_UPDATED2
ອ່ານເພິ່ມເຕິມ...
 
ພິທີມອບ-ຮັບ ນາມມະຍົດ ຕົວ​ແບ 4 ບຸກ PDF ພິມ ອີເມລ
ຂຽນໂດຍ ຂະແໜງຂໍ້ມູນ-ຂ່າວສານ   
ມື້ພຸດທີ່ 21 ກັນຍາ 2016 ເວລາ 15: 54

ພິທີມອບ-ຮັບ ນາມມະຍົດ ຕົວ​ແບບ 4 ບຸກ

ການ​ປະຕິບັດ​ຂໍ້​ແຂ່ງຂັນ 4 ບຸກ ສົກ​ປີ 2015 ​ແຜນ​ປີ 2016

ຂອງ​ຮາກ​ຖານ​ຊາວ​ໜຸ່ມພະ​ແນ​ກຊັບພະຍາກອນ​ທຳ​ມະ​ຊາດ ​ແລະ ສິ່ງ​ແວດ​ລ້ອມ.

ໃນ​ຕອນ​​​ແລງ​ຂອງ​ວັນ​ມີ 15 ສິ່ງ​ຫາ 2015 ຜ່ານ​ມາ​ນີ້, ພະ​ແນ​ກຊັບພະຍາກອນ​ທຳ​ມະ​ຊາດ ​ແລະ ສິ່ງ​ແວດ​ລ້ອມ​ແຂວງຊຽງ​ຂວາງ ​ໄດ້​ຈັດ​ພິທີ ມອບ-ຮັບ​ນາ​ມມະ​ຍົດ ຕົວ​ແບບ 4 ບຸກ ການ​ຈັດ​ຕັ້ງ​ປະຕິບັດ​ຂໍ້​ແຂ່ງຂັນ 4 ບຸກສົກ​ປີ 2015 ​ແຜນ​ປີ 2016ຂອງ​ຮາກ​ຖານ​ຊາວ​ໜຸ່ມ ພະ​ແນ​ກ.

​ໂດຍ​ການ​ເປັນ​ປະ​ທານ​ຮ່ວມ​ຂອງ​ສະຫາຍ ສີວ​ອນ ບຸດດາ​ຈັນ ຮອງ​ຄະນະ​ພັກ​ຮາກ​ຖານ ຮອງ​ຫົວໜ້າ​ພະ​ແນ​ກຊັບ, ສະຫາຍ ນາງ ສົດ​ທິດາ ທີບ​ມູນ​ຕາ​ລີ ຄະນະ​ບໍລິຫານ​ງານ​ຊາວ​ໜຸ່ມ​​​ແຂວງ,ສະຫາຍ ນາງ ບຸນ​ທະ​ນອງ ອິນຕາ​ວັນ ​​ເລຂາຮາກ​ຖານ​ຊາວ​ໜຸ່ມ ພະ​ແນ​ກຊັບ,  ສະຫາຍ ສົມ​ພອນ ​ໄຊ​ຍະ​ເກດ ປະທານ​ຮາກ​ຖານ​ກຳມະ​ບານ ພະ​ແນ​ກຊັບ, ສະຫາຍ ນາງ ສາຍ​ລົມ ສີ​ລາ​ພັນ​ເດດ ປະທານ​ສະຫະພັນ​ແມ​ຍິງ ມີ​ແຂກ​ຮັບ​ເຊີນຈາກ​ ຮາກ​ຖານ​ຊາວໜຸ່ມ​​ແຮກສ່ຽວລັດ​ວິ​ສາ​ຫະກິດ​ໄຟຟ້າ​ລາວ​ ​ແລະ ຄະນະຮາກ​ຖານ​ຊາວ​ໜຸ່ມ ພະ​ແນ​ກກະສິກຳ​ແຂວງ, ມີ​ຄະນະ​ຮັບຜິດຊອບ​ບັ້ນ​ແຂ່ງຂັນ 4 ບຸກຂອງ​ພະ​ແນ​ກຊັບ, ຄະນະໜ່ວຍທັງ 5 ໜ່ວຍທີ່​ຂື້ນ​ກັບ​ຮາກ​ຖາ​ນຊາວໜຸ່ມພະ​ແນ​ກຊັບ ຕະຫຼອດ​ຮອດ​ສະມາຊິກ​ຊາວ​ໜຸ່ມ​ທົ່ວ​ພະ​ແນ​ກຊັບ​ເຂົ້າ​ຮ່ວມ​ທັງ​ໝົດ 73 ສະຫາຍ, ຍິງ 29 ສະຫາຍ,

 

LAST_UPDATED2
ອ່ານເພິ່ມເຕິມ...
 
ພິທີເປີດຂະບວນການ 3 ດີຂອງ 5 ໜ່ວຍສະຫະພັນແມ່ຍິງ ພຊສແຂວງ. PDF ພິມ ອີເມລ
ຂຽນໂດຍ ຂະແໜງຂໍ້ມູນ-ຂ່າວສານ   
ມື້ອັງຄານທີ່ 20 ກັນຍາ 2016 ເວລາ 16: 01

ພິທີເປີດຂະບວນການ 3 ດີຂອງ 5 ໜ່ວຍສະຫະພັນແມ່ຍິງ ພຊສແຂວງ. 

ໃນ​ຕອນ​​ເຊົ້າ​ຂອງ​ວັນ​ມີ 15 ສິ່ງ​ຫາ 2015 ຜ່ານ​ມາ​ນີ້, ພະ​ແນ​ກຊັບພະຍາກອນ​ທຳ​ມະ​ຊາດ ​ແລະ ສິ່ງ​ແວດ​ລ້ອມ​ແຂວງຊຽງ​ຂວາງ ​ໄດ້​ຈັດ​ພິທີ ສະຫຼຸບ​ການຈັດ​ຕັ້ງ​ປະຕິບັດ ​ແລະ ​ເປີດ​ບັ້ນ​ຂະ​ບວນການ​ຂໍ້​ແຂ່ງຂັນ 3 ດີຂອງ 5 ໜ່ວຍ​ສະຫະ​ພັນ​ແມ່ຍິງ ພະ​ແນ​ກຊັບ.

      ​ໂດຍ​ການ​ເປັນ​ປະ​ທານ​ຮ່ວມ​ຂອງ​ສະຫາຍ ສີວ​ອນ ບຸດດາ​ຈັນ ຮອງ​ຄະນະ​ພັກ​ຮາກ​ຖານ ຮອງ​ຫົວໜ້າ​ພະ​ແນ​ກຊັບ, ສະຫາຍ ນາງ ຄຳ​ໃສ ທິບ​ດາລາ ຮອງ​ປະທານ​ສະຫະພັນ​ແມ່ຍິງ​​ແຂວງ, ສະຫາຍ ນາງ ສາຍ​ລົມ ສີ​ລາ​ພັນ​ເດດ ປະທານ​ສະຫະພັນ​ແມ​ຍິງ ພະ​ແນ​ກຊັບ, ສະຫາຍ ສົມ​ພອນ ​ໄຊ​ຍະ​ເກດ ປະທານ​ຮາກ​ຖານ​ກຳມະ​ບານ ພະ​ແນ​ກຊັບ, ສະຫາຍ ສິງຄຳ ທຳ​ມະ​ຈັກ ຮອງ​ຮາກ​ຖານ​ຊາວ​ໜຸ່ມ ພະ​ແນ​ກຊັບ, ມີ​ແຂກ​ຮັບ​ເຊີນຈາກ​ ປະທານ​ສະຫະພັນ​ແມ່ຍິງ​ຂ້ອມຂ້າງ​ແຂວງ ພ້ອມ​ດ້ວຍ​ສະມາຊິກ​ເອື້ອຍ​ນ້ອງ​ແມ່ຍິງ​ພະ​ແນ​ກຊັບ​ເຂົ້າ​ຮ່ວມ​ທັງ​ໝົດ 41 ສະຫາຍ, ຍິງ 38 ສະຫາຍ, ຊາຍ 3 ສະຫາຍ ​ໃນ​ນັ້ນ​ມີ​ແຂກ​ຮັບ​ເຊີນ 4 ສະຫາຍ.

 

 

LAST_UPDATED2
ອ່ານເພິ່ມເຕິມ...
 
<< ເລີ່ມຕົ້ນ < ຖອຍຫຼັງ 1 2 3 4 5 6 7 8 9 10 ຕໍ່ໄປ > ສຸດທ້າຍ >>

Page 2 of 13