ພິທີປາຖະກະຖາ ວັນສ້າງຕັ້ງອົງການຈັດຕັ້ງສະຫະພັນແມ່ຍິງລາວ ຄົບຮອບ 65 ປີ ( 20 ກໍລະກົດ 1955 ຫາ 20 ກໍລະກົດ 2020 ) ທີ່ພະແນກຊັບພະຍາກອນທຳມະຊາດ ແລະ ສິ່ງແວດລ້ອມ ແຂວງຊຽງຂວາງ
ໃນຕອນແລງຂອງວັນທີ 3 ສິງຫາ 2020 ເວລາ 13:30 ນາທີ ທີ່ພະແນກຊັບພະຍາກອນທຳມະ ຊາດ ແລະ ສິ່ງແວດລ້ອມ ແຂວງຊຽງຂວາງ ໄດ້ຈັດພິທີປາຖະກະຖາ ວັນສ້າງຕັ້ງອົງການຈັດຕັ້ງສະຫະພັນແມ່ຍິງລາວ ຄົບຮອບ 65 ປີ ( 20 ກໍລະກົດ 1955 ຫາ 20 ກໍລະກົດ 2020 ) ທີ່ຫ້ອງປະຊຸມ ພະແນກຊັບພະຍາກອນທຳມະຊາດ ແລະ ສິ່ງແວດລ້ອມ ແຂວງຊຽງຂວາງ ໂດຍການເປັນປະທານ ຂອງທ່ານ ສີວອນ ບຸດດດາຈັນ, ທ່ານ ສອນເພັດ ລາພະທອງ ຮອງຫົວໜ້າພະແນກ ແລະ ທ່ານ ບົວສີ ພັນທະວົງ ຄະນະພະແນກ, ໂດຍມີບັນດາຫົວໜ້າ, ຮອງຫົວໜ້າຂະແໜງ ພາຍໃນ ພຊສ ແຂວງ ພ້ອມດ້ວຍພະນັກງານທັງໝົດໃນທົ່ວ ພຊສ ແຂວງ ເຂົ້າຮ່ວມທັງໝົດ 67 ຄົນ, ຍິງ 33 ຄົນ.
ກົມຊັບພະຍາກອນນ້ຳ ມອບຄອມພິວເຕີ ໃຫ້ ພະແນກຊັບພະຍາກອນທຳມະຊາດ ແລະ ສິ່ງແວດລ້ອມ ແຂວງຊຽງຂວາງ
ໃນຕອນບ່າຍ ເວລາ 14:00 ນາທີ ຂອງວັນທີ 27 ພຶດສະພາ 2020 ກົມຊັບພະຍາກອນນ້ຳ ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ໄດ້ມອບຄອມພິວເຕີຕັ້ງໂຕະ ຈຳນວນ 01 ຊຸດ ໃຫ້ແກ່ ຂະແໜງຊັບພະຍາກອນນ້ຳ ແລະ ອຸຕຸນິຍົມ ພະແນກຊັບພະຍາກອນທຳມະຊາດ ແລະ ສິ່ງແວດລ້ອມ ແຂວງຊຽງຂວາງ ເພື່ອຮັບໃຊ້ເຂົ້າໃນວຽກງານຄຸ້ມຄອງຊັບພະຍາກອນນ້ຳ.
ພຊສ ແຂວງຊຽງຂວາງ ຂະແໜງຊັບພະຍາກອນນໍ້າ ແລະ ອຸຕຸນິຍົມ ລົງຕິດຕາມ, ກວດກາຄຸນະພາບນໍ້າທຳມະຊາດ ຂອງ 4 ເມືອງ ພາຍໃນ ພຊສ ແຂວງຊຽງຂວາງ.
ວັນທີ 10-11 ມີນາ 2020 ທິມງານຂະແໜງຊັບພະຍາກອນນໍ້າ ແລະ ອຸຕຸນິຍົມ ພຊສ ແຂວງຊຽງຂວາງ, ນໍາພາໂດຍ ທ່ານ ບົວສີ ພັນທະວົງ ຮອງຫົວໜ້າພະແນກ ຊສ ແຂວງ ໄດ້ລົງເຄື່ອນໄຫວວຽກງານຕິດຕາມ, ກວດກາຄຸນະພາບນໍ້າ ໃນຈຳນວນທັງໝົດ 13 ຈຸດ, ຂອບເຂດ 4 ເມືອງຄື: ເມືອງແປກ, ເມືອງຄູນ, ເມືອງຜາໄຊ ແລະ ເມືອງພູກູດ ຂອງ 8 ສາຍນໍ້າຄື: ນໍ້າງື່ມ, ນໍ້າງຽບ, ນໍ້າໂຄ້, ນໍ້າຍວນ, ນໍ້າເຢັນ, ນໍ້າກຶນ, ນໍ້າກັດ ແລະ ນໍ້າສຸຍ.
ຈຸດປະສົງ ເພື່ອເຝົ້າລະວັງແຫຼ່ງທີ່ມາຂອງມົນລະພິດໃນອ່າງຮັບນໍ້າ ແລະ ມີຂໍ້ມູນໄວ້ເປັນບ່ອນອີງໃນການວາງແຜນຄຸ້ມຄອງການນຳໃຊ້ນໍ້າໃຫ້ຍືນຍົງໃນຕໍ່ໜ້າ.
ການຕິດຕາມກວດກາໃນຄັ້ງນີ້ ແມ່ນໄດ້ວັດແທກຄຸນະພາບນໍ້າກັບທີ່ທັງໝົດ 6 ຄ່າພື້ນຖານຄື: pH, EC, DO, TDS, Sal ແລະ Temp.
ນອກຈາກນີ້ ຍັງໄດ້ເກັບຕົວຢ່າງນໍ້າ 3 ຈຸດບຸລິມະສິດສົ່ງໃຫ້ສະຖາບັນຄົ້ນຄ້ວາຊັບພະຍາກອນທຳມະຊາດ ແລະ ສິ່ງແວດລ້ອມ ເພື່ອວິໄຈຄຸນະພາບນໍ້າທັງໝົດ 18 ທາດ.
ກົມຊັບພະຍາກອນນໍ້າ ກຊສ ມອບອຸປະກອນໃໝ່ ສຳລັບວຽກງານຕິດຕາມ, ກວດກາຄຸນະພາບນໍ້າ ໃຫ້ແກ່ ພຊສ ແຂວງຊຽງຂວາງ
ໃນວັນທີ 14 ກຸມພາ 2020 ກົມຊັບພະຍາກອນນໍ້າ ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ໄດ້ມອບອຸປະກອນໃຫ້ພະແນກຊັບພະຍາກອນທຳມະຊາດ ແລະ ສິ່ງແວດລ້ອມ ແຂວງຊຽງຂວາງ ( ຂະແໜງຊັບພະຍາກອນນໍ້າ ແລະ ອຸຕຸນິຍົມ-ອຸທົກກະສາດ ) ເພື່ອຈັດຕັ້ງປະຕິບັດໂຄງການຕິດຕາມກວດກາຄຸນະພາບນໍ້າທົ່ວປະເທດ 2019-2020 ອຸປະກອນທີ່ມອບໃນຄັ້ງນີ້ມີ:
- ເຄື່ອງວັດແທກນໍ້າ ( WTW 3630 IDS ) ຈໍານວນ 1 ເຄື່ອງ.
- ກະຕຸກເກັບຕົວຢ່າງນໍ້າຂະໜາດ 1000ມລ, ຈໍານວນ 9 ຕຸກ.
- ກະຕຸກເກັບຕົວຢ່າງນໍ້າຂະໜາດ 500ມລ, ຈໍາວນ 3 ຕຸກ.
- ກະຕຸກເກັບຕົວຢ່າງນໍ້າຂະໜາດ 100ມລ ຈຳນວນ, 3 ຕຸກ.
- ຫຼອດປີເປດ ( ສຳລັບໃຊ້ດູດອາຊິດຢອດຮັກສາຕົວຢ່າງນໍ້າ ) ຈຳນວນ 10 ອັນ.
- ອາຊິດຊູນຟູລິກ ແລະ ອາຊິດນີຕຼິກ, ຈຳນວນ 2 ກວດ.
ລວມມູນຄ່າທັງໝົດ: 7,379 ໂດລາ
ກົມແຜນການ ແລະ ການຮ່ວມມື ກຊສ ລົງຕິດຕາມ ແລະ ຊຸກຍູ້ ວຽກງານແຜນການ ແລະ ວຽກງານຮ່ວມມື ຢູ່ ພຊສ ແຂວງຊຽງຂວາງ
ໃນຕອນບ່າຍ ເວລາ 1 ໂມງ 30 ນາທີ ຂອງວັນທີ 12 ມີນາ 2020 ນີ້ ກົມແຜນການ ແລະ ການຮ່ວມມື ກຊສ ສົມທົບກັບ ພະແນກຊັບພະຍາກອນທຳມະຊາດ ແລະ ສິ່ງແວດລ້ອມແຂວງ ໄດ້ຈັດກອງປະຊຸມປຶກສາຫາລືແລກປ່ຽນບົດຮຽນ ກ່ຽວກັບ ວຽກງານແຜນການ ແລະ ວຽກງານຮ່ວມມື ຢູ່ທີ່ຫ້ອງປະຊຸມນ້ອຍ ພະແນກຊັບພະຍາກອນທຳມະຊາດ ແລະ ສິ່ງແວດລ້ອມ ແຂວງຊຽງຂວາງ ເປັນກຽດເຂົ້າຮ່ວມເປັນປະທານໂດຍ ທ່ານ ສີວອນ ບຸດດາຈັນ ຫົວໜ້າພະແນກຊັບພະຍາກອນທຳມະຊາດ ແລະ ສິ່ງແວດລ້ອມແຂວງ, ມີທີມງານມາຈາກກະຊວງ ເຊິ່ງນຳທີມໂດຍ ທ່ານ ນາງ ຄຳເຝືອ ບຸນປະເສີດ ຮອງຫົວໜ້າພະແນກຮ່ວມມື ກົມແຜນການ ແລະ ການຮ່ວມມື ກຊສ ພ້ອມດ້ວຍພະນັກງານທີ່ກ່ຽວຂ້ອງເຂົ້າຮ່ວມທັງໝົດ 15 ຄົນ, ຍິງ 10 ຄົນ.
Page 2 of 4