Lao

Login Form



ຈຳນວນຜູ້ເຂົ້າຊົມ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterມື້ນີ້45
mod_vvisit_counterມື້ວານ41
mod_vvisit_counterອາທິດນີ້86
mod_vvisit_counterອາທິດແລ້ວນີ້378
mod_vvisit_counterເດືອນນີ້580
mod_vvisit_counterເດືອນແລ້ວນີ້1098
mod_vvisit_counterລວມທັງຫມົດ101697

Online (20 minutes ago): 3
Your IP: 54.162.154.91
,
Today: ຕ. ລ. 17, 2017

Who's Online

ເຮົາມີ 4 ບຸກຄົນທົ່ວໄປ ອອນໄລນ
ກອງປະຊຸມເຜີຍແຜ່ຂໍ້ຕົກລົງສະບັບເລກທີ 3171/ກຊສ PDF ພິມ ອີເມລ
ຂຽນໂດຍ ຂະແໜງຂໍ້ມູນ - ຂ່າວສານ   
ມື້ພຸດທີ່ 13 ກັນຍາ 2017 ເວລາ 09: 26

ໃນ​ວັນ​ທີ 5 ກັນຍາ ປີ 2017 ຜ່ານ​ມາ​ແລ້ວ​ນີ້ ພະ​ແນ​ກຊັບພະຍາກອນ​ທຳ​ມະ​ຊາດ ​ແລະ ສິ່ງ​ແວດ​ລ້ອມ ​ແຂວງ​ຊຽງຂວາງ ​ໄດ້​ຈັດ​ກອງ​ປະຊຸມ​ເພື່ອ​ເຜີຍ​ແຜ່​ຂໍ້​ຕົກລົງ​ສະບັບ​ເລ​ກທີ 3171/ກຊສ ລົງ​ວັນ​ທີ 1 ສິງຫາ 2017 ວ່າ​ດ້ວຍການຈັດ​ຕັ້ງ ​ແລະ ​ເຄື່ອນ​ໄຫວ ຂອງ​ພະ​ແນ​ກຊັບພະຍາກອນ​ທຳ​ມະ​ຊາດ ​ແລະ ສິ່ງ​ແວດ​ລ້ອມ ​ແຂວງ.

​ພາຍ​ໃຕ້​ການ​ເປັນ​ປະທານ​ຂອງ ​ທ່ານ ຄຳ​ພູ ຈັນທະ​ວົງ ​ກຳມະການ​ພັກ​ແຂວງ ​ເລຂາ​ຄະນະ​ພັກ​ຮາກ​ຖານ ຫົວໜ້າພະ​ແນ​ກຊັບພະຍາກອນ​ທຳ​ມະ​ຊາດ ​ແລະ ສິ່ງ​ແວດ​ລ້ອມ ​ແຂວງ​ຊຽງຂວາງ ​ເຊິ່ງມີ​ພະນັກງານລັດຖະກອນ​ຂ​ອງພະ​ແນ​ກຊັບພະຍາກອນ​ທຳ​ມະ​ຊາດ ​ແລະ ສິ່ງ​ແວດ​ລ້ອມ ​ແຂວງ​ຊຽງຂວາງ​ເຂົ້າ​ຮ່ວມ​ຢ່າງພ້ອມ​ພຽງ. ກອງ​ປະຊຸມ​ຄັ້ງ​ນີ້​ ທ່ານ ຄໍາພູ ຈັນທະ​ວົງ ​ໄດ້​ເຜີຍ​ແຜ່​ຂໍ້​ຕົກລົງ ສະບັບ​ເລ​ກທີ 3171/ກຊສ ລົງ​ວັນ​ທີ 1 ສິງຫາ 2017ວ່າ​ດ້ວຍການຈັດ​ຕັ້ງ ​ແລະ ​ເຄື່ອນ​ໄຫວ ຂອງ​ພະ​ແນ​ກຊັບພະຍາກອນ​ທຳ​ມະ​ຊາດ ​ແລະ ສິ່ງ​ແວດ​ລ້ອມ ​ແຂວງ​ເຊິ່ງກອງ​ປະຊຸມ​ຄັ້ງ​ນີ້​ກໍ​ເພື່ອ​ເປັນ​ການ​ກຳ​ນົດທີ່​ຕັ້ງ, ພາລະ​ບົດບາດ, ໜ້າທີ່, ຂອບ​ເຂດ​ສິດ, ​ໂຄງ​ປະກອບ​ການຈັດ​ຕັ້ງ, ຫຼັກການ ​ແລະ ​ແບບ​ແຜນ​ວິທີ​ເຮັດ​ວຽກ ​ເພື່ອ​ເປັນ​ບ່ອນ​ອີງ​ໃຫ້​ແກ່​ການຈັດ​ຕັ້ງ ​ແລະ ການ​ເຄື່ອນ​ໄຫວ​ວຽກງານ​ຂອງ​ພະ​ແນ​ກ ຊັບພະຍາກອນ​ທຳ​ມະ​ຊາດ ​ແລະ ສິ່ງ​ແວດ​ລ້ອມ​ແຂວງ, ນະຄອນຫຼວງ ​ແນ​ໃສ່​ຈັດຕັ້ງ​ຜັນ​ຂະຫຍາຍ​ແນວທາງ​ນະ​ໂຍບາຍ​ຂອງ​ພັກ, ປະຕິບັດ​ກົດໝາຍ ​ແລະ ລະບຽບການ​ຂອງ​ລັດ ​ໃນ​ການ​ຄຸ້ມ​ຄອງ ​ແລະ ພັດທະນາ​ວຽກງານ​ຊັບພະຍາກອນທຳ​ມະ​ຊາດ ​ແລະ ສິ່ງ​ແວດ​ລ້ອມ ​ໃຫ້​ຍືນ​ຍົງ, ປະກອບສ່ວນ​ເຮັດ​ໃຫ້​ເສດຖະກິດສັງຄົມ ​ໃນ​ຂອບ​ເຂດ​ທ້ອງ​ຖິ່ນ​ຂອງ​ຕົນ ມີ​ການ​ພັດທະນາ​ທີ່ໝັ້ນຄົງ ​ແລະ ຂະຫຍາຍຕົວ​ຢ່າງ​ຕໍ່​ເນື່ອງ. ​ແລະ ​ກອງ​ປະຊຸມ​ຄັ້ງ​ນີ້​ຍັງໄດ້​ມີ​ການ​ມອບ​ໃບ​ຍ້ອງຍໍ​ຜົນງານ 1 ປີຂອງລັດຖະກອນ ປະຈຳ​ສົກ​ປີ 2015-2016 ໃຫ້​ແກ່ຜູ້​ທີ່​ມີ​ຜົນງານ​ດີ​ເດັ່ນ ​ໃນ​ການຈັດຕັ້ງ​ປະຕິບັດໜ້າທີ່​ວຽກງານ ​ເຊິ່ງມີ​ປະ​ເພດ: ​ປະ​ເພດດີເລີດ ຈຳ ນວນ 76 ຄົນ ເປັນຍິງ 35 ຄົນ, ປະ​ເພດດີຈຳ​ນວນ 8 ຄົນ ເປັນຍິງ 1 ຄົນ.

​ໃນ​ຕອນ​ທ້າຍ​ຂອງ​ກອງ​ປະຊຸມ ທ່ານ ຄຳ​ພູ ຈັນທະ​ວົງ ຄະນະ​ກຳມະການ​ພັກ​ແຂວງ ຫົວໜ້າພະ​ແນ​ກຊັບພະຍາກອນ​ທຳ​ມະ​ຊາດ ​ແລະ ສິ່ງ​ແວດ​ລ້ອມ ​ແຂວງ​ຊຽງຂວາງ ​ໃນ​ບາງ​ຕອນ ທ່ານ​ໄດ້​ຊີ້​ນຳ​ດັ່ງ​ນີ້:

1. ໃຫ້ພະນັກງານເອົາໃຈໃສ່ກຳແໜ້ນ ກົດລະບຽບ, ກົດໝາຍຂອງ ພັກ-ລັດ

2.ເພີ່ມທະວີເອົາໃຈໃສ່ຄວາມຮັບຜິດຊອບແລະເຝິກຝົນຫຼໍ່ຫຼອມຕົນເອງເພື່ອການເຄື່ອນໄຫວວຽກງານໃຫ້ມີ ຄຸນະພາບ.

3. ຕັ້ງໜ້າເອົາໃຈໃສ່ຈັດຕັ້ງຜັນຂະຫຍາຍມະຕິຕ່າງໆ ຂອງຂັ້ນເທິງ ແລະ ແຜນການວຽກງານ ທີ່ພະແນກ, ຂະແໜງວາງອອກ.

4. ໃຫ້ທຸກອົງການຈັດຕັ້ງ, ຂະແໜງຈັດຕັ້ງພະແນກ ກະກຽມວຽກງານການປະເມີນພະນັກງານ ໃຫ້ສຳເລັດຜົນ.