ໃນລະຫວ່າງວັນທີ 15 - 17 ຕຸລາ 2020 ທິມງານຄະນະກຳມະການທົດແທນຄ່າເສຍຫາຍ ແລະ ຈັດສັນຍົກຍ້າຍຂັ້ນແຂວງ ໄດ້ສົມທົບກັບບໍລິສັດ ໄຟຟ້ານໍ້າງື່ມ 3 ພາວເວີ ຈຳກັດ ໄດ້ໄປຖອດຖອນບົດຮຽນ ກ່ຽວກັບ ວຽກງານການທົດແທນຄ່າເສຍຫາຍ, ຈັດສັນຍົກຍ້າຍ ແລະ ການຟື້ນຟູຊີວິດການເປັນຢູ່ຂອງປະຊາຊົນທີ່ໄດ້ຮັບຜົນກະທົບຈາກໂຄງການເຂື່ອນໄຟຟ້ານໍ້າຄານ 3 ບ້ານສາມັກຄີໄຊ ( ບ້ານຈັດສັນຍົກຍ້າຍ ) ເມືອງຊຽງເງິນ ແຂວງຫຼວງພະບາງ, ໂດຍໃຫ້ກຽດນຳພາທິມງານຂອງ ທ່ານ ບົວສອນ ສີນວນທອງ ຄະນະປະຈຳພັກແຂວງ ແລະ ໃຫ້ກຽດຕ້ອນຮັບຂອງ ທ່ານ ສຸກັນ ບຸນຍົງ ຮອງເຈົ້າແຂວງໆຫຼວງພະບາງ, ບໍລິສັດ ເຂື່ອນໄໄຟ້ານໍ້າຄານ 3 ຈຳກັດ ແລະ ພາກສ່ວນທີ່ກ່ຽວຂ້ອງຂອງແຂວງ ແລະ ເມືອງ ລວມມີຜູ້ເຂົ້າຮ່ວມທັງໝົດ 35 ທ່ານ, ຍິງ 5 ທ່ານ.
ຜົນໄດ້ຮັບຂອງການໄປຖອດຖອນບົດຮຽນໃນຄັ້ງນີ້ ໄດ້ມີບົດຮຽນແລກປ່ຽນດັ່ງນີ້:
- ຈຸດທີ່ຕັ້ງເຂື່ອນໄຟຟ້ານໍ້າຄານ 3.
- ການເກັບກຳຂໍ້ມູນດ້ານຜົນລະປູກ ແລະ ສິ່ງປຸກສ້າງ.
- ການຈ່າຍເງິນທົດແທນດ້ານຜົນລະປູກ ແລະ ການຈັດສັນທີ່ຢູ່ອາໄສ ຫຼື ສິ່ງປຸກສ້າງ.
- ການຈັດສັນຍົກຍ້າຍ ແລະ ການເບິ່ງແຍງຊີວິດການເປັນຢູ່ຂອງພໍ່ແມ່ປະຊາຊົນ.
- ການຄຸ້ມຄອງປ່າໄມ້ ແລະ ກວດຄຸນນະພາບນໍ້າ.
ຮູບພາບ ການຈັດກອງປະຊຸມປຶກສາຫາລື ແລະ ແລກປ່ຽນຄຳຄິດຄຳເຫັນ
ໃນເວລາດຽວກັນນັ້ນ, ກໍ່ໄດ້ລົງເບິ່ງພື້ນທີ່ຕົວຈິງເຊັ່ນ: ບ້ານຈັດສັນ ( ບ້ານສາມັກຄີໄຊ ) ຈຸດຕັ້ງເຂື່ອນ ແລະ ເຮືອນຈັກໄຟຟ້ານໍ້າຄານ 3.
ຮູບພາບການລົງຢ້ຽມຢາມບ້ານຈັດສັນ ( ບ້ານສາມັກຄີໄຊ )
ຮູບພາບ ການລົງຢ້ຽມຢາມຈຸດທີ່ຕັ້ງເຂື່ອນໄຟຟ້ານໍ້າຄານ 3
ຮູບພາບ ການລົງຢ້ຽມຢາມຈຸດທີ່ຕັ້ງເຮືອນຈັກຂອງເຂື່ອນໄຟຟ້ານໍ້າຄານ